Buzz Lightyear of Star Command

Buzz Lightyear of Star Command ("Buzz Lightyear de Commandamento Stellar") es un serie televisive animate statounitese, producite a Mark McCorkle e Bob Schooley per Disney e Pixar. Le serie se basa super Toy Story, un interprisa de intertenimento create per Pixar. Le personage principal es Buzz Lightyear (sonorisate a Patrick Warburton), un ranger cosmic qui se batte con fortias del mal in su galaxia, ducite per Le Imperator del Mal, Zurg (Wayne Knight). Buzz travalia con tres rangeres novicios: Mira Nova (Nicole Sullivan), Booster (Stephen Furst) e XR (Larry Miller e Neil Flynn). Mira Nova es un princessa del planeta Tangea qui odiava le vita regal e dunque deveniva un ranger cosmic. Booster es un extraterrestro rubie, grosse e corpulente del planeta Jo'ad; ille era un portero in le Commandamento Stellar ante ille adjuteva Buzz sur un mission. XR es le prime ranger qui es un robot e ille es frequentamente destruite sur su missiones, mais ille es semper reassemblate per Little Green Men ("Parves Verdes") qui son ingenieros e mechanicos del Commandamento Stellar.

Le serie ha duo saisones. Illo consiste de le film animate Buzz Lightyear of Star Commmand: The Adventure Begins ("Buzz Lightyear de Commandamento Stellar: Le Aventura Comencia", qui era diffundite como tres episodios) e 62 episodios durante 22 minutas. Le serie era diffundite a 8 de augusto 2000 de 13 de januario 2001 sur UPN e ABC.